Banjir - BN salah guna jentera kerajaan dan korup.

Dialog dengan omak, omak sedagho - Induk di kampung, Nyaleh, Melako.

Omak: Ekau tengok hah Induk kau ni hah, banjir sikit yo ghumah heh, habies diboghinyo duit 200, gulo, bogheh dan macam-macam laei hah...
Induk: Itulah "Kapa Laya" yg kasi. Harapkan PAS, apo yg dapek?
Aku: Mano ado "Kapa Laya" laei Duk...
Induk: Yolah... dulu "Kapa Laya" sekarang ni Dacing!.
Aku: Yolah tu Duk, kasilah monang PAS sekali hah..., lobeih dari tu kito boleh kasi.
Induk: Mano ado... semuo aek pombohong... ponipu.
Aku: Cubo sekali hah... kalau tak cubo mano la tahu hah...
Induk: Den tak pechayo do... dulu "Kapa Laya" selamo-lamonyo "Kapa Laya".
Omak: Imam masjid pun dapek bantuan banjir hah... duit, bogheh dan macam-macam.
Aku: Semuo ko dapek 200?
Induk: Ado yg dapek lobih, ado yg dapek 6 kali. Sekali 200, 6 kali dapek 1200!
Aku: Apo lak Induk dapek sekali yo, oghang lain dapek 6 kali. Tak adil tu!.
Induk: Ontahlah. Joki den banyak tu yo.

Susah-susah orang kampungan,

Sekali banjir dapat sedikit bantu-bantuan,

Malang sungguh orang Melayu kita-kitaan,

Tak tahu bezo antara parti politik dan kerajaan.

Apa celako orang kito di pendalaman,

Rumah banjir dapek sikit habu-habuan,

Kapal Layar dah pupus masih dipertahankan,
Terhutang budi samo Kapa Laya habis-habisan.

Dapek bogheh bantuan banjir sekali-sekali,

Tak sodar minyak dan barangan naik dah acap kali,

Montang-montang gogo segerap melambung tinggi,

Sekarang musim hujan mengholoh sendiri.

BN sangat korup satu duninyo dah tahu,

Kito lawan dikatokan kito penipu,

Ubah sekarang domi anak cucu,

Selamat Malaysia dari BN, penyamun tak tahu malu.